Kystvegen Ålesund – Bergen arrangerte konferanse på Quality Hotel i Ulsteinvik, 5. april 2018. Innleiarane sine bidrag:

• Fjord1 eigar Per Sævik – reiselivssatsing i eit regionalt perspektiv
• Roger Hofseth, Hofseth Aqua AS – verdiskapinga på kysten
• Olav Ellevset, dagleg leiar Fosenbrua AS – utfordringer, trender og rammebetingelser
• Jan Ove Halsøy, Regionsjef Norsk Lastebileigarforbund – transportnæringa sin framtidstankar

INVITASJONEN:

Målet med konferansen er å synleggjere den noverande verdiskaping og potensialet for vidare vekst ved å realisere Kystvegen.

Fjord1-eigar Per Sævik kjem for snakke om reiselivssatsing i eit regionalt perspektiv, Roger Hofseth i Hofseth Aqua AS skal snakke om verdiskapinga på kysten. Stortingsrepresentant Helge Orten (Høgre) skal snakke om regjeringa sine framtidstankar, mens Jan Ove Halsøy, regionsjef i Norsk Lastebileigarforbund skal snakke om transportnæringa sin framtidstankar.

Styreleiar i 45-minuttsregionen Reidar Sandal skal ha innlegg om status for Kystvegen gjennom Vågsøy, Bremanger og Flora og tidlegare regionvegsjef i vest Olav Ellevset skal halde innlegget «Utfordringar, nytenking, rammevilkår og internasjonale trendar».

Det vert også innlegg om framtidas brubygging: Rovdefjordsambandet – vegvisar for morgondagens fjordkryssingar, men og korleis moderne teknologi vil gjere framtidas brubygging betre og billigare.

For Kystvegen Ålesund – Bergen er det viktig å samle kreftene frå Hordaland i sør til Møre og Romsdal i nord, aktørar som representerer det lokale næringslivet i dei tre fylka, personar med nasjonale verv, stortingspolitikarar og lokalpolitikarar for å sikre ein brei og stryka påverknad direkte mot regjeringsapparatet.